جمهورية من قرح يقرح (شعر)

بمناسبة العيد الوطني الـ58 لثورة 26 سبتمبر الخالدة في اليمن يعيد نشوان نيوز نشر نص قصيدة وأغنية جمهورية ومن قرح يقرح وهي أغنية شهيرة:

جمهورية من قرح يقرح

كلمات الشاعر: عبدالله خميس عطية

غناء الفنان: محمد البصير

يا الله يا من لنا تفتح

والرزق مطلوب سِهّالِه

جمهورية ومن قرح يقرح

والشعب عاجب بأبطاله

❊❊❊

من قارب الظلم ما يربح

وأخرج من الشعب دجّاله

جمهورية من قرح يقرح

لازم نغير بها الحاله

ذي ما يبي شعبنا ينجح

قد عجل الله بزلزاله

جمهورية من قرح يقرح

❊❊❊

والبدر ما عاد ذي أصبح

خرج بشرشف وبركاله

يحرم على البدر سِيد ابلح

يشوف صنعاء ولا صالة

جمهورية من قرح يقرح

❊❊❊

شعب اليمن للدول صرح

ما يدخل إنسان في أحواله

جمهورية من قرح يقرح

❊❊❊

يحل نفسه بما رجح

يهناه يهناه يهنا له

جمهورية من قرح يقرح

https://www.youtube.com/watch?v=5_TqvLzUheg